छांगरु र तिंकरका पहाड फोड्दै नेपाली सेना

दार्चुला । नेपाली सेनाले घाँटीबगर इलाकामा रहेको भीरमा ४६० मिटर गोरेटो बाटो निर्माण गरेको छ । कडा चट्टान रहेको यस क्षेत्रमा भदौ मसान्तभित्रै ५५० मिटर गोरेटो बाटोको ट्ययाक खोलिसक्ने सेनाले जनाएको छ ।

सडक निर्माणका क्रममा भारतद्धारा अवरुद्ध रहेको घाँटीबगर क्षेत्रमा बाटो अवरुद्धहुँदा व्यासको छांगरु र तिंकरका बासिन्दालाई आवतजावत गर्न समस्या थियो । जेठबाट नेपाली सेना परिचालन भएर गोरेटो बाटो निर्माणको कार्य अघि बढाइएको हो ।

बाटो खुलेसँगै व्यासका बासिन्दालाई जोखिमपूर्ण मानिएको क्षेत्रमा बाटो सहज हुनेछ । व्यासको छांगरु र तिंकरका बासिन्दालाई कार्तिक महिनामा खलंगा कुञ्चा झर्नसमेत सहज हुनेछ । व्यासको छांगरुमा ११७ र तिंकरमा ८७ घरधुरीको बसोबास छ ।