- २६ भाद्र २०८३, शुक्रबार / Sep 11, 2026
काठमाडौँ । भारत र चीनका सेनाबीच लद्दाखमा फेरि झडप भएको छ । पूर्वी लद्दाखको प्याङ्गोङ तालको दक्षिण किनारमा दुई देशका सेनाबीच धकेलाधकेल भएपछि चिनियाँ सेनाले झापड दिएको संचारमाध्यमले जनाएका छन् ।
झडपपछि चुशुलमा ब्रिगेड कमाण्डरको तहमा बैठक बसिरहेको छ । झडपमा भएको हताहती खुलाइएको छैन ।भारतीय सेनाका प्रवक्ताले एलओसीमा चिनियाँ सेना अगाडि बढ्दा आफूहरुले रोकेको दावी गरेका छन् भने भारतीय सेना लुकिछिपि आएकोले सवक सिकाएको दावी गरेको छ ।
यसअघि जुन १५ मा लद्दाखकै गलवान क्षेत्रमा भएको झडपमा २० भारतीय सैनिकको मृत्यु भएको थियो । त्यसयता दुबै मुलुकका सेनाले सीमा क्षेत्रमा तैनाथी बढाएका थिए । चिनियाँ सेनाले हिमाली क्षेत्रमा अत्याधुनिक हतियारसहित सैन्य अभ्यास गरेको सार्वजनिक भएको छ भने भारतीय सेनाले चुनौतीको सामना गर्न तयार रहेको बताएको छ ।
