भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

पहिरोले सुर्खेत–जुम्ला सडक अवरुद्ध, यात्रुहरू अलपत्र

पहिरोले सुर्खेत–जुम्ला सडक अवरुद्ध, यात्रुहरू अलपत्र

काठमाडौँ, १६ असार । लगातारको वर्षासँगै आएको पहिरोका कारण सुर्खेत–जुम्ला सडक खण्ड अवरुद्ध भएको छ। कालीकोट जिल्लाको शुभकालिका गाउँपालिका–१ स्थित गगने खोला र खाँडाचक्र नगरपालिका–१ को जिरो प्वाइन्ट नजिक पहिरो खसेपछि यातायात पूर्ण रूपमा ठप्प भएको हो।

स्थानीय प्रशासनका अनुसार पहिरोका कारण दुवैतर्फ सवारी साधनहरू बीच बाटोमै रोकिएका छन्, जसले यात्रुहरूलाई ठूलो असहजता भएको छ। केही यात्रुहरू रातभर सडकमै अलपत्र परेका छन्।

कालीकोट प्रहरीले जानकारी दिएको अनुसार, पहिरो पन्छाएर सडक खुलाउने प्रयास जारी छ। डोजरको प्रयोग गरेर माटो र ढुंगा हटाउने काम तीव्र पारिएको बताइएको छ। यद्यपि निरन्तर पानी परिरहेकोले काममा अवरोध भइरहेको छ।

प्रहरी र स्थानीय प्रशासनले यात्रुहरूलाई सावधानीपूर्वक यात्रा गर्न र अत्यावश्यक नपरेसम्म उक्त खण्ड प्रयोग नगर्न आग्रह गरेका छन्। मौसम अझै केही दिनसम्म अस्थिर रहने जल तथा मौसम विज्ञान विभागको अनुमान रहेको छ।

यस सडक अवरुद्ध हुँदा सुर्खेत, जुम्ला, कालीकोट, डोल्पा र मुगु जिल्लासँगको यातायात सम्पर्क प्रभावित भएको छ।

 


Thali Mobile Pvt.Ltd.