- १२ कार्तिक २०८३, बिहीबार / Oct 29, 2026
काठमाडौं । एक वर्षभित्र मोतिहारी–अम्लेखगन्ज पेट्रोलियम पाइपलाइनबाटै ल्याउने भएको छ । हाल पाइपलाइनबाट डिजलमात्र आयात हुँदै आएको सरकारले जनाएको छ ।
अब पेट्रोल पनि ल्याइने गरी निर्माण कार्य भइसकेको छ।
दक्षिण एसियाको एकमात्र अन्तरदेशीय पेट्रोलियम पाइपलाइन भएको जनाइएको छ । भारतीय आयल कर्पोरेसन र नेपाल आयल निगमले यो पाइपलाइन निर्माण गरेको हो ।
डिजेलमात्र आयात हुने गरी २०७६ भदौ २४ गते पाइपलाइनको उद्घाटन गरिएको थियो ।
त्यसयता प्रतिघण्टा १ लाख ९३ हजार लिटरसम्म डिजल पाइपलाइनबाट आयात हुन्थ्यो । पाइपलाइनबाट प्रतिघण्टा २ लाख ९४ हजार लिटरसम्म इन्धन आयात गर्न सकिन्छ।
आगामी सन् २०२४ को जनवरीभित्र पेट्रोल आयात गर्न मिल्ने पूर्वाधार निर्माण कार्य सम्पन्न गर्ने लक्ष्य राखेर नेपाल आयल निगमले मंसिर २९ गते पाइपलाइनको दोस्रो चरणको निर्माण सुरु गरेको हो ।
दोस्रो चरण सम्पन्न भएसँगै डिजेल आयात हुने गरेको पाइपलाइनबाटै पेट्रोल पनि प्राप्त हुनेछ ।
