- १८ असार २०८३, बिहीबार / Jul 2, 2026
जाजरकोट । कुसे गाउँपालिका–८ का सातजना सम्पर्कविहीन भएका छन् । जलजला पाटनमा गोठाला गएका उनीहरु एक्कासी आएको हावाहुरी तथा अविरल वर्षा भएपछि सम्पर्कविहीन भएका हुन् ।
जेठ ३१ गते गाई, भैंसी र बाख्रा लिएर गोठका लागि ११ जना पाटन गएका थिए । हराएका मध्ये चारजना सम्पर्कमा आएको जिल्ला प्रहरी कार्यालय जाजरकोटले जनाएको छ । अन्य सातजना सम्पर्कविहीन छन् ।
४४ वर्षीय भक्तबहादुर रोकाया, १० वर्षीय कृष्ण रोकाया, १४ वर्षीया दुर्गा रोकाया र ५५ वर्षीया गंगा खड्का सम्पर्कमा आएको प्रमुख प्रहरी नायब उपरीक्षक (डिएसपी) मधुकुमार थापाले बताए।
३५ वर्षीय दिलबहादुर खड्का, २५ वर्षीय विक्रम खड्का, २८ वर्षीया चन्द्रा खड्का, १८ वर्षीय भविन्द्र खड्का, १२ वर्षीय भिमबहादुर खड्का, १७ वर्षीया तुलसरा खड्का र सोही गाउँपालिका वडा नम्बर ९ चैनका ४० वर्षीय कृष्ण रोकाया सम्पर्कविहीन भएको र उनीहरुको खोजी भइरहेको डिएसपी थापाले बताए।
