- ३१ श्रावण २०८३, आईतवार / Aug 16, 2026
काठमाडौं । नारायणहिटी संग्रहालयभित्रबाट बतास समूहलाई हटाउने प्रक्रिया अघि बढाइसकिएको संस्कृति, पर्यटन तथा नागरिक उड्डयन मन्त्री प्रेमबहादुर आलेले बताएका छन् ।
बिहीबार सञ्चारकर्मीसंग कुरा गर्दै मन्त्री आलेले दरबार संग्रहालयमा रेष्टुरेन्ट लगायतको भौतिक संरचना निर्माण गरिरहेको बतास समूहलाई त्यहाँबाट हटाउने अन्तिम तयारी भएको बताए । कुन प्रक्रिया मार्फत् हटाउने भन्ने विषयमा अहिले छलफल भइरहेको उनको भनाइ छ ।
मन्त्रीस्तरबाट वा मन्त्रिपरिषद्बाटै निर्णय गरेर भए पनि हटाइ छाड्ने अडान मन्त्री आलेले राखेका छन् । उनको उक्त निर्णयमा प्रधानमन्त्री देउवाको समेत हात रहेको छ ।
पावरमा भएको बेला एउटा व्यक्तिले लिजमा लिने, भोलि अर्को पावरमा भएको बेला अर्कोले लिने परिपाटी खतम गर्ने आलेले बताए । मन्त्री आलेले नारायणहिटी संग्रहायलभित्र बतास समूहको प्रवेशको सम्बन्धमा छानविन सुरु गरिएको बताए ।
