- १६ असार २०८३, मंगलवार / Jun 30, 2026
काठमाडौँ । पूर्वप्रधानमन्त्री डा. बाबुराम भट्टराईले बलात्कारीलाई मृत्युदण्ड दिनुपर्ने बताएका छन् । बझाङकी १२ वर्षीया सम्झना विकको बलात्कारपछि विभत्स हत्या भएको घटनाको सन्दर्भमा एक ट्वीट सार्वजनिक गर्दै भटराईले यस्तो बताएका हुन ।
गत असोज ७ गते घरमा खाना खाएर गोठमा गाइबस्तुलाई घाँसपानी दिन गएकी सम्झना विकलाई बलात्कार गरी हत्या गरेको अवस्थामा फेला परेकी थिईन । घटनामा संलग्न बलात्कारीलाई प्रहरीले प्रक्राउ गरेको छ । तिनै व्यक्तिको बयान र अन्य प्रमाणका आधारमा प्रहरी हत्या भएको निष्कर्ष निकालेको छ ।
यहि घटनालाई डा. भट्टराईले पञ्चायतकालमा पोखरामा नमिता—सुनिता, दुई वर्षअघि कञ्चनपुरमा निर्मला पन्त र गत साता बझाङमा भएको सम्झना हत्याकाण्ड उल्लेख गर्दै अपराधीलाई मृत्युदण्ड दिनुपर्ने धारणा राखेका हुन् ।
संविधानले नै मृत्युदण्डको सजाय दिने गरी कानून बनाउन रोक लगाएको हुनाले नेपालमा कुनै पनि अपराधमा अपराधीलाई मृत्युदण्ड दिने निर्णय हुँदैन । तर अब नेपालले पनि मृत्युदण्ड दिने कानून नबनाउन अन्तर्राष्ट्रिय प्रतिबद्धता सहित महिलाहरू जुर्मुराउन थालेका छन् ।
राजतन्त्र कालका नमिता-सुनितादेखि गणतन्त्र कालका निर्मला पन्त-सम्झना विकसम्मको बलात्कार-हत्या प्रकरणमा हाम्रो राज्य नै दोषी रहेको पुष्टी भैसक्यो।अब यसो गरौं:१.अपराधी नपक्रने/मुद्दा ठीक नलगाउने जिम्मेदार पदाधिकारीलाई कार्वाही;२.अदालतमा छुट्टै बेन्चको स्थापना;३.अपराधीलाई मृत्युदण्ड!
— Baburam Bhattarai (@brb1954) September 27, 2020
