- २१ असार २०८३, आईतवार / Jul 5, 2026
पोखरा । तामाङ बौद्ध सेवा समिति संगमटोल पोखराले आयोजना गरेको सोनाम ल्होछार कार्यक्रममा कलाकार लक्ष्मी डिम्डङ तामाङले धमाकेदार प्रस्तुती दिएकी छन् ।
पोखरा १३ माछापोखरीमा आयोजना गरिएको तामाङहरुको मौलिक साँस्कृति पर्व मञ्जुश्री सम्वत् २८५९ ह्योयी ल्हो (बिरालो वर्ग) को सुखद अवसरमा उनको प्रस्तुतीले पोखराबासी झूमे ।
शुभकामना आदान प्रदान, सम्मान, सामुहिक भोज एवम् विविध साँस्कृतिक कार्यक्रम गरी भव्यताका साथ कार्यक्रम मनाईएको हो ।
कार्यक्रमको प्रमुख अतिथि प्रतिनिधि सभाका सदस्य मन बहादुर गुरुङले कुङामा दीप प्रज्वलन र बेलुन आकाशमा उडाएर समुद्घाटन गरे ।
कार्यक्रममा विशेष अतिथि, अतिथिले शुभकामना मन्तव्य राखेका थिए ।
उक्त कार्यक्रममा नेपाल तामाङ घेदुङका पूर्व केन्द्रिय अध्यक्ष धन प्रसाद डुम्जन तामाङलाई ताम्रापत्रद्वारा सम्मान गरिएको थियो ।
तामाङ कलाकार म्हेन्दोमाया गायिका लक्ष्मी डिम्डुङ तामाङले कार्यक्रमलाई थप आर्कषक र रमाइलो गरी म्हेन्दोमाया गीत र सेलो गीतबाट दर्शकहरुलाई नचाएकी थिइन् ।
तस्वीरमा…
