- ३० श्रावण २०८३, शनिबार / Aug 15, 2026
काठमाडौं । पछिल्लो समय तस्करीको जालो तोड्न प्रहरी सफल भएको छ । भद्रपुरस्थित चन्द्रगढी विमानस्थलबाट लागुऔषध ब्राउन सुगरसहित दुई युवती पक्राउ परेपछि रहस्यमय तस्करीको जालो खुलेको छ ।
विमानस्थलबाट पक्राउ पर्नेमा हेटौडा १ घर भई हाल झापा मेचीनगर बस्ने २१ वर्षीया सोनी श्रेष्ठ (राजवंशी) र उनकी दिदी २३ वर्षीया सन्ध्या श्रेष्ठ छन् । बिहीबार बुद्ध एयरको जहाजबाट काठमाडौं आउन लागेका उनीहरूलाई विमानस्थल प्रहरीले शरीर चेकजाँच गर्ने क्रममा सोनीको साथबाट ७६ ग्राम ३ सय ४० मिलिग्राम ब्राउन सुगर फेला पारेको
जिल्ला प्रहरी कार्यालय झापाका डीएसपी खगेन्द्रप्रसाद रिजालले बताए । सोनीले गुप्ताङमा लगाएको प्याडमा ब्राउन सुगर लुकाएर काठमाडौं ल्याउन खोजेकी थिइन् ।
सोनीसँग ब्राउन सुगर फेला परेपछिसँगै काठमाडौं आउन लागेकी उनकी दिदी सन्ध्यालाई पनि पक्राउ गरी जिल्ला प्रहरी कार्यालय झापामा राखेर थप अनुसन्धान अघि बढाएको प्रहरीले जानकारी दिएको छ ।
