प्रचण्डका कारण एकता भाँडिन लाग्यो: पोखरेल

काठमाडौं । नेपाल कम्युनिस्ट पार्टी (नेकपा) का नेता तथा सचिवालय सदस्य ईश्वर पोखरेलले कार्यकारी अध्यक्ष प्रचण्ड प्रति लक्षित गरेर एकता भाँड्न खोजेको आरोप लगाएका छन् ।

पूर्व समूह भनेर उनले समीकरण बनाएर खेल खेल्न खोज्दा पार्टी विभाजन हुन लागेको टिप्पणी गरेका हुन् । सोमबार ट्वीट गर्दै पोखरेलले एकताका बेला गरिएको सहमति विपरीत पूर्वसमूहको समीकरण बनाएर विभाजनको दूर्भाग्य निम्त्याउन लागेको आरोप लगाए ।

दूर्भाग्य निम्त्याउनेलाई बेलैमै चिनौं, खबरदारी गरौं भन्दै पोखरेलले यस्तो बताएका हुन ।