- २८ भाद्र २०८३, आईतवार / Sep 13, 2026
हेटौंडा । निर्माणाधिन गौतमबुद्ध अन्तर्राष्ट्रिय क्रिकेट रंगशालाका लागि बागमती प्रदेश सरकारले तीन करोड रकम हस्तान्तरण गरेको छ ।
मुख्यमन्त्री तथा मन्त्रीपरिषदको कार्यालय हेटौंडामा एक कार्यक्रमका बीच प्रदेशका मुख्यमन्त्री डोरमणि पौडेलले फाउन्डेसनका अध्यक्ष सिताराम कट्टेल धुर्मुस र उपाध्यक्ष कुन्जना घिमिरे सुन्तलीलाई ३ करोड रकमको चेक हस्तान्तरण गरेका हुन् ।
मुख्यमन्त्री पौडेलले धुर्मुस सुन्तलीले उत्साहका साथ गरेको कामको प्रशंसा गर्दै रंगशाला निर्माण तीब्र गतिमा भएकोले खुसी व्यक्त गरे । मुख्यमन्त्री पौडेलले आगामी दिनमा पनि सरकारले सहयोग जारी राख्ने प्रतिवद्धता जनाएका थिए ।
कार्यक्रममा सामाजिक विकास मन्त्री युवराज दुलालको सहभागिता रहेको थियो ।
रंगशाला निर्माणका लागि यसअघि हेटौंडा उपमहानगरपालिकाले ३० लाख, भरतपुर महानगरपालिकाले ५० लाख सहयोग गरेका थिए ।
