- १ कार्तिक २०८३, आईतवार / Oct 18, 2026
काठमाडौं । रुकुम पश्चिम सोतीमा छ जनाको जातिय नरसंहारका हत्यारालाई हदैसम्मको कारबाही गर्न सरकार प्रतिबद्ध रहेको भनेर प्रधानमन्त्रीले उदारा गफ दिएका छन् ।
प्रधानमन्त्री निवास बलुवाटारमा आइतबार अपराह्न भएको पीडितसँगको भेटमा प्रधानमन्त्रीले हत्यामा संलग्न दोषीलाई कारबाही गर्ने कुरामा सरकार कसैको मुलाकाजमा नपर्ने बताए । मृतक छ जनाकै अभिभावक उपस्थित भएर कुरा राखेका छन् । गत १० जेठमा अन्तरजातीय बिहेको नाउँमा भएको नरसंहारमा नवराज विक र उनका पाँच जना साथीको हत्या भएको थियो ।
उक्त मुद्दा अहिलेसम्म अदालतमा विचाराधीन रहेको छ । हत्यामा संलग्न पक्राउ परेका ३४ जनामध्ये ६ जनालाई अदालतले थुनामुक्त गरिसकेको छ । अन्य छ जना दोषीलाई छोड्ने विषयमा उच्च अदालत सुर्खेतमा मत बाझिएपछि सर्वोच्चसम्म आइपुगेको छ ।
प्रधानमन्त्रीसँगको भेटमा मृतक नवराज विकका बुबा मुनलाल र आमा उर्मिला, लोकेन्द्र सुनारकी आमा लक्ष्मी, टिकाराम नेपालीका बुबा सोभे, गणेश बुढाका बुबा पदमबहादर, गोविन्द शाहीकी आमा भीमकुमारी र सञ्जु विककी आमा सविता उपस्थिति भएका छन् । गत बिहीबार साँझ काठमाडौं आइपुगेका उनीहरुले पीडा मेटाउन सकिरहेका छन् ।
पीडितका आफन्तलाई राहत दिने र घाइतेहरुको उपचार र देषीलाई हदैसम्मको दण्ड गर्ने कुरामा सरकार प्रतिबद्ध रहेको छ बताए तर मृतकका अविभावक आस्वस्त हुन सकेका छैनन् । भेटमा मृतकको अभिभावकले अहिलेसम्म अदालतले घाइतेहरुको वयान नलिएकोभन्दै प्रधानमन्त्रीसमक्ष दुखेसो समेत पाखेका छन् ।
