- ३० जेष्ठ २०८३, शनिबार / Jun 13, 2026
काठमाडौं । तीन दिने भारत भ्रमणमा रहेका प्रधानमन्त्री शेरबहादुर देउवा नेतृत्वको टोलीले भारतीय विदेशमन्त्री एस जयशंकरसँग भेटवार्ता गरेको छ । विदेशमन्त्री जयशंकरबीच नयाँ दिल्लीको होटल आईटीसी मौर्यमा भेटवार्ता भएको हो । भेटपछि प्रधानमन्त्री देउवा भाजपाको कार्यालयमा पुगेका थिए ।
भाजपाको कार्यालयमा स्वागतपश्चात् प्रधानमन्त्री देउवाको टोलीलाई नयाँदिल्लीस्थित नेपाली दूतावासमा रात्रीभोजको आयोजना गरिएको थियो । आज शनिबार समकक्षी नरेन्द्र मोदीसँग भेटवार्ता गर्ने कार्यतालिका छ ।
शुक्रबार दिउँसो नयाँ दिल्ली पुगेका देउवालाई इन्दिरा गान्धी अन्तर्राष्ट्रिय विमानस्थलमा भारतीय रक्षा तथा पर्यटन राज्यमन्त्री अजय भट्टसहित नेपालका लागि भारतीय राजदूत विनयमोहन क्वात्रा र विदेश मन्त्रालयका नेपाल हेर्ने सहसचिव अनुराग श्रीवास्तवले स्वागत गरेका थिए ।
त्यसलगतै देउवालाई भाजपा कार्यालयमा भाजपा अध्यक्ष जेपी नड्डाले स्वागत गरेका थिए । भेटवार्ताले नेपाल भारतको सम्बन्ध अझै बलियो हुने विश्वास लिइएको । नेपाल र भारतबीच सदियौं पुरानो मित्रवत् एवम् घनिष्ट सम्बन्ध रहेको र समय समयमा आदान–प्रदान हुने
उच्चस्तरीय भ्रमणको माध्यमबाट उक्त सम्बन्ध अझ मजबुत एवं फलदायी बनाउन सफल हुने देउवाको भनाइ छ । देउवा ५० सदस्यीय टोलीकासाथ भारत भ्रमणमा पुगेका देउवा आइतबार स्वदेश फर्किने छन् ।
