ताथलिमा माटोको ढिस्कोमा पुरिएर दुई जनाको मृत्यु

भक्तपुर । भक्तपुर जिल्लाको चाँगुनारायण नगरपालिका वडा नं ९ ताथलीमा माटोको ढिस्कोले पुरिएर दुई जनाको मृत्यु भएको छ । ताथलीस्थित चम्पा चम्पा श्रेष्ठले संचालन गरेको जग्गा प्लानिङमा ढुंगाको पर्खाल लगाउने क्रममा प्लानिङमा काम गर्ने दुई जनाको शुक्रबार मृत्यु भएको हो ।

मृत्य हुनेमा काभ्रेपलान्चोक जिल्ला चौरीदेउराली गाँउपालिका वडा नं ३ घर भई हाल ताथली बस्ने बर्ष ५० को बर्षमान तामाङ र नमोबुद्ध नगरपालिका वडा नं ९ घर भई हाल ताथली बस्नेत बर्ष ३२ को चतुरमान तामाङ रहेको जिल्ला प्रहरी कार्यालय भक्तपुरले जनाएको छ । उनीहरुलाई बारीको माटोको ढिस्कोले पुरेको हो । माटोको ढिस्को खस्दा उनीहरु दुवै जनाको घटनास्थलमा नै मृत्यू भएको र घटनाबारे थप अनुसन्धान भईरहेको प्रहरीले जनाएको छ ।