- ३१ असार २०८३, बुधबार / Jul 15, 2026
एजेन्सी । फ्रान्समा सरकारी योजना विरुद्धको आन्दोलनले उग्र रुप लिएको छ । अवकाशको उमेर बढाउने सरकारी योजनाको फ्रान्समा विरोध प्रर्दशन भइरहेको हो । राजधानी पेरिसमा मात्रै करिब डेढ लाख मानिसले प्रदर्शन गरेका छन् । प्रदर्शनकारीले बोर्डेक्स शहरको टाउन हलमा समेत आगजनी गरेका छन् ।
उनीहरूले सडकमा थुप्रिएको फोहोरमा जतातत्तै आगो समेत लगाएका छन् । आन्दोलनको नवौं दिन बिहीबार दशौं लाख मानिस प्रदर्शनमा उत्रिएका हुन् । प्रहरी कारबाहीमा केही प्रदर्शनकारीहरु घाइते भएको जनाइएको छ । सरकारले अवकाशको उमेर ६२ वर्षबाट बढाएर ६४ बनाएपछि ट्रेड युनियनहरु विरोधमा उत्रिएका हुन् ।
राजधानी पेरिसबाट ५ दर्जन बढी प्रदर्शनकारीलाई पक्राउ गरिएको छ भने प्रहरीले प्रदर्शनकारीलाई रोक्न भारी मात्रामा अश्रुग्यास प्रहार गरेको थियो । प्रदर्शनकारीहरुले पसलहरु तोडफोड गर्दै म्याडोनल्ड लगायतका रेष्टुराँमा पनि आक्रमण गरेका छन् ।
