- १७ असार २०८३, बुधबार / Jul 1, 2026
जनकपुरधाम । धनुषाको विदेह नगरपालिका–२ दुहबीको। स्थानीय ५ वर्षीय अभिनन्दन राय अमात बुधबार हराएका थिए । खोजीनिति गर्दा हत्या गरेर भैँसी गोठमा गाडेको र खरानी परालमा मृत अवस्थामा बिहीबार राति १० बजे शव भेटियो। बालकलाई सकुशल उद्धार गर्न प्रहरीले हरेक युनिटलाई फोटोसहितको निर्देशन दियो ।
खोज्दै जाँदा घाँटी थिचेर हत्या गरी गाडेको र खरानीले पुरेको अवस्थामा बालकको शव भेटियो ।प्रहरीले शंकाका आधारमा खोजी गर्दै जाँदा अमातको घरमा भैंसी बाँध्ने गोठमा खाल्डो खनी पुरेर पराल ओछ्याई भैंसी बाँधेको अवस्थामा शव बरामद गरेको प्रहरीले जनायो । रुपैयाँ लेनदेनका कारण नाबालक मारिएको अनुसन्धानबाट देखिएको धनुषाका प्रहरी उपरीक्षक रमेशकुमार बस्नेतले बताए ।
खेल्दाखेल्दै प्रमिलाको घर पुगेको बच्चालाई चाउचाउ खान दिएर राखे, चाउचाउ खाइसकेपछि बच्चाले प्रमिलालाई निद्रा लाग्यो सुत्छु भनेर खाटमा सुताएका र सुतिसकेपछि घाँटी थिचेर हत्या गरेको प्रहरी अनुसन्धानले बतायो । हत्यापछि साँझ अँध्यारोमा शव उठाएर गोठमा लगी खाल्डो खनेर गाडेको र माथिबाट खरानी र पराल हाली भैसी बाँधेको अवस्थामा भेटिएको बस्नेतले बताए ।
जब शंकाका आधारमा ब्रह्मदेव राय अमातको घरका पाँच सदस्यलाई बोलाएर अनुसन्धान गरियो तब रहस्य बाहिरीयो । ब्रह्मदेवकी जेठी छोरी २६ वर्षीया प्रमिलादेवीले केही वर्षअघि रामपुकारीबाट १० हजार रुपैयाँ ऋण लिएको स्थानीयले बताए । ऋिण कति लिएको हो भन्ने मै विवाद भएको भन्ने स्थानीयको भनाई छ ।
१० वर्षअघि लिएको पैसा दिन नसकेर विवाद हुदा बच्चाको हत्या गरेको प्रहरीको भनाइ छ । मृतकका बुवा जीवन वैदेशिक रोजगारीमा रहेका छन्। अभियुक्त प्रमिलाले घटनामा आफ्नो संलग्नता स्वीकार गरेको प्रहरीले जनाएको छ। घटनामा संलग्न थप चार जनालाई प्रहरीले नियन्त्रणमा लिएर हिरासतमा राखी थप अनुसन्धान गरिरहेको जिल्ला प्रहरी धनुषाले जनाएको छ ।
