- १ कार्तिक २०८३, आईतवार / Oct 18, 2026
भक्तपुर । राजधानी नजिकैको सुन्दर शान्त र रमणिय गन्तव्य हो रानीकोट । पछिल्लो समय राजधानीको कोलाहलबाट मुक्ति पाउन मानिसहरु रानीकोटको सुन्दरतामा रमाउने गरेका छन् । रानीकोटको डाडाबाट देखिने विभन्न हिमालहरुको दृश्यअवलोकन गर्न आन्तरिक परेटक रानीकोटको डाडामा उभिने गरेका छन् । यहाँ हाइकिङको मज्जा समेत लिन सकिन्छ ।
के छ रानीकोटमा ?
रानीकोटमा सुन्दर शान्तर मनोरम दृश्यहरु छन् । जहा मानिसहरुको मनमा उब्जेका हरेक अशान्तिहरुलाई शान्त पार्ने तागत छ । यहाँको हावा पानीले मानिसहरुलाई मोहित मात्रै पार्दैन प्राकृतिक सुन्दरताले मथिङगलमा हजारौ प्रश्नहरु पनि उब्जाई दिन्छ यस्तो सुन्दर ठाउँमा पहिले किन आइएन भनेर ।
रानीकोटको ऐतिहासिक तथ्य त छदै छ तर त्यो भन्दा पनि बढि आन्तरिक पर्यटनकालागि सुवाउदो नजिको तिर्थयात्रा जस्तै छ । हरेक मानिसलाई शनिबारमात्रै होइन हरेक दिन रानीकोटको डाडाबाट देखिने सुन्दर हिमालका दृश्यले बोलाइ रहन्छ । अनि चिया र कफिको छुस्कीले प्राकृति सुन्दरतामै भुलाइदिन्छ ।
कहा छ र कसरी जाने रानीकोट ?
भक्तपुरको सूर्यविनायक नगरपालिका वडा नं ७ र ८ को संगम मात्र नभई रानीकोट ललितपुर,काभ्रे र भक्तपुर जिल्लाको त्रिवेणी पनि हो । यहाँ पुग्न भक्तपुरको सूयविनायक चोकदेखि गणेश मन्दिर हुदै रानीकोटको यात्रा तय गर्न सकिन्छ ।
सूर्यविनायक चोकदेखि जम्मा ७ किलो मिटरको दुरिमा रहेको रानीकोटमा पैदल यात्रा गर्न पनि सकिन्छ । मानिसहरु हाइकिङ रुटमा प्राकृतिक सुन्दरताको मज्जा लिदै हिडिरहेका हुन्छन् ।
सूर्यविनायक चोकबाट गणेश मन्दिर हुदै जंगलको बाटो चरा चुरुङ्गीको आवाजसंगै घ्याम्पे डाडाबाट देखिने सुन्दर भक्तपुरको दृश्यलाई नयमा कैद गर्दै रानीकोटको डाडामा पुग्न सकिन्छ । यहाँबाट काठमाडौं उपत्यकाका तीन जिल्ला र काभ्रे जिल्लाका सुन्दर ठाउँहरुको सुन्दरतालाई नियाल्न सकिन्छ । हाइकिङ रुट त छदैछ सडक यातायातको पनि राम्रो व्यवस्था रहेको छ ।
भौतिक संरचनाको अवस्था कस्तो छ ?
रानीकोटमा पर्यटकहरुका लागि महत्वपूण संरचनाहरु निर्माण गरिएका छन् । यहाँको वातावरण सुहाउदो तरिकाले संरचना निर्माण गरिएका छन् । यहा पुग्ने हरेक मानिसलाई एक दिन मात्रै होइन एक हप्ताबस्दा पनि घित नर्मने खालका रिसोर्टहरु सञ्चालमा रहेका छन् ।
आन्तरिकत तथा बाह्य पर्यटकहरुका लागि महत्वपूर्ण मानिने भौतिक संरचनाहरु पर्यटकहरुलाई स्वागत गर्न पर्खि रहेका छन् । रानीकोट पुग्ने जो कसैको मन मुटुमा बास बस्न सफल भिलेज हाईल्याण्ड रिसोर्टबाट प्राकृतिक सुन्दरताको अनुभुति मात्रै गर्न सकिदैन कृतिम महत्वपूर्ण संरचनाले पनि पर्यटकहरुको मनजित्न सफल भएका छन् ।
के के छ भिलेज हाइल्याण्डमा
भिलेज हाइल्याण्ड रिसोर्ट छोटो समयमा पर्यटकहरको रोजाई पर्न सफल रिसोर्ट हो । यहा पुग्ने हरेक मानिस पहिलो पटक मात्रै होइन दोस्रो, तेस्रो पटक पनि पुग्नछन । किन भने यहाका भौतिक संरचनाले मानिसहरुलाई मोहित गरिदिन्छ । यहा पछिल्लो पुस्तालाई आकर्षित गर्न चराको आधुनिक गुण, मोवाईल प्रयोगकर्ताका लागि सेल्फि टावर, स्वीमिङ पुल, पिङ लगायत विभिन्न किसिमका भौतिक संरचनाहरु निर्माण गरिएका छन् ।
यहाँको अर्गानिक खाने कुराले त झन मानिसहरुको मन मात्रै लोभ्यादैन जिब्रोलाई पल्काइ दिन्छ । समुद्री सतहबाट दुई हजार मिटर उचाइमा रहेको रानीकोटबाट काठमाडौं उपत्यका सहित लाडटाङ हिमशृंखला आँखै अगाडि देख्नाले अग्रेजी नयाँ वर्षमा मात्रै होइन हरेक फुर्सदिलो समयममा रानिकोट पुग्न बाध्य पारिदिन्छ ।
