- १० आश्विन २०८३, शनिबार / Sep 26, 2026
डोटी । बडिकेदार गाउँपालिकामा नेपाली कांग्रेस विजयी भएको छ । यहाँ पहिलो पटक कांग्रेसले आफ्नो विजयको सुरुआत गरेको हो । कांग्रेसबाट गाउँपालिका अध्यक्षकाका उम्मेदवार भैरवबहादुर साउदले २,३४३ मत प्राप्त गरी विजयी भएका हुन ।
प्रतिद्वन्द्वी एमालेका चक्रबहादुर घर्तीले एक हजार ६८४ मत प्राप्त गरे । उपाध्यक्षमा कांग्रेसकै डम्मरीकुमारी विष्टले दुई हजार ४०७ मत प्राप्त गरी विजयी भइन् । उनका निकटम प्रतिद्वन्द्वी एमाले की सपना सिराडीले दुई हजार २७६ मत प्राप्त गरेकी छन् ।
गठबन्धन दलका तर्फबाट अध्यक्षका उम्मेदवार बनेका नेकपा (एकीकृत समाजवादी) का भक्तबहादुर साउदले एक हजार ४७१ मत प्राप्त गरेका छन् । गठबन्धनका तर्फबाट उपाध्यक्षको उम्मेदवार बनेकी नेकपा (माओवादी केन्द्र) की देवीसरा घर्तीले ८३२ मत प्राप्त गरिन् ।
वडा नं १ बाट वडाध्यक्षमा नेपाली कांग्रेसका डबलबहादुर बोहरा, वडा नं ३ बाट कांग्रेसकै रामबहादुर गुरुङ, वडा नं २ बाट नेकपा (माओवादी केन्द्र) का प्रेमबहादुर घर्तीमगर, वडा नं ४ बाट नेकपा (एमाले) का कर्णबहादुर जेठारा, वडा नं ५ बाट एमालेकै पदमसिंह बोहरा विजयी भएका छन् ।
