- २९ भाद्र २०८३, सोमबार / Sep 14, 2026
देबराज पाध्याय /बाजुरा । बडिमालिका वडा न ७ मा नेपाल टेलीकमको फोर जी सेवा सहितको टावर निर्माण हुने भएको छ ।
सदरमुकाम समेत रहेको सो वडामा हाल फोन सेवा नभएकोले टेलीकमले टावर निर्माण गरी सेवा बिस्तार गर्ने बडिमालिका नगरपालिका वडा न ७ का वडा अध्यक्ष धर्मराज पाध्यायले बताए । वडा न ७ मा फोन नेटवर्क नभएको अबस्थामा त्यहाँका जनताको मागलाई सम्बोद्धन गर्दै बडिमालिका नगरपालिका वडा न ७ का वडा अध्यक्ष धर्मराज पाध्यायको पहलमा सो टावर निर्माण गरिने भएको हो ।
माउलेख गाउँमा रहेको गौरी धामीको ५ सय १९ नम्मर कित्ता जग्गा नेपाल टेलीकमले लिजमा लिन सम्झौता भईसकेको र अबको २ महिनामा टावर निर्माण गरी सेवा बिस्तार गरिने नेपाल टेलीकमका लेखापाल मान बहादुर रोकायाले बताए । गौरी धामीको १६ हजार ७ सय ५० बर्गमिटर जमिनमा काम सुरु गरिने वडा अध्यक्ष धर्मराज पाध्यायले बताए ।
दुर्गम जस्तो रहेको वडा न ७ मा नेपाल टेलिकमको सेवा पाउने भएपछि जिल्ली चुथी सिराडी रजातोली, ढम्कनेका स्थानीयहरु खुसी भएका छन ।
