बलात्कार आरोपमा पक्राउ

सप्तरी । बलात्कार आरोपी फरार एक युवक आज पक्राउ परेका छन् ।

रूपनी गाउँपालिका–३ मलाहाटोलका २६ वर्षीय नरेश मुखिया मलाहालाई बलात्कार प्रयासको आरोपमा पक्राउ गरिएको जिल्ला प्रहरी कार्यालय सप्तरीले जनाएको छ ।

कात्तिक ६ गते राति शौचालय गएका बेला आरोपितले बलात्कार प्रयास गरेको भन्दै एक महिलाले उजुरी गरेकी थिइन् । पीडितले कात्तिक २७ गते जिल्ला प्रहरी कार्यालयमा दिएको उजुरी कै आधारमा खोजतलास गर्दा पक्राउ गरिएको प्रहरीले जनाएको छ ।