बागमती प्रदेशमा आज अविश्वास प्रस्ताव

बुटवल । बागमती प्रदेश सभा बैठक आज बस्ने भएको छ । तर, मुख्यमन्त्री डोरमणि पौडेलविरुद्ध दर्ता भएको अविश्वास प्रस्तावबारे अन्योल कायम छ ।

दलहरूको आग्रहपछि सभामुख सानुकुमार श्रेष्ठले शुक्रबार दिउँसो १ बजे बैठक बोलाएको प्रदेश सभा सचिवालयले जनाएको छ । बैठक सञ्चालनका लागि प्रदेश सभामा रहेका सबै दल सहमत भए पनि सभामुखले आनाकानी गर्दै आएका थिए । तर, शुक्रबारको कार्यसूची भने तय गरेका छैनन् ।

कांग्रेस संसदीय दलका सचेतक छिरिङ दोर्जे लामाले संसद्मा रहेका सबै दलका सदस्यले शुक्रबार बिहान ११ बजे बैठक सञ्चालन गर्न सभामुखलाई आग्रह गरे पनि सभामुखले थप छलफल गर्नुपर्ने भन्दै पन्छिएको बताए ।