बालबालिकामा प्रभाव कम

काठमाण्डौ । सरकारले बालबालिकामा कोरोनाको तेस्रो लहरको प्रभाव कम देखिएको जनाएको छ। स्वास्थ्य तथा जनसङ्ख्या मन्त्रालयले युवाको तुलनामा बालबालिकामा कोरोनाको प्रभाव कम देखिएको जनाएको हो । शून्यदेखि १० वर्ष उमेर समूहका बालबालिका देशभरमा २४ जनामात्रै सङ्क्रमित भएको स्वास्थ्य तथा जनसङ्ख्या मन्त्रालयले सार्वजनिक गरेको तथ्याङ्कमा उल्लेख छ ।

सबैभन्दा धेरै २१ देखि ३० वर्ष उमेर समूहका व्यक्ति सङ्क्रमित भएको मन्त्रालयले जनाएको छ । रोग प्रतिरोधात्मक क्षमता पनि बालबालिकाको बढी हुने भएकाले बालबालिका कम सङ्क्रमित भएका र सङ्क्रमित भएकामध्येको अवस्था पनि सामान्य रहेको मन्त्रालयले जनाएको छ । कामकाजी अभिभावकले पनि सतर्कता अपनाउने गरेका छन् । तुलनात्मक रुपमा बालबालिकाहरु बाहिर साथीभाइसँग खेल्न धेरै नजाने र घरमै बस्ने भएकाले कोरोनाको जोखिम बालबालिकामा कम भएको जनाइएको छ ।