भक्तपुरमा होम आइसोलेसनमा बिसेका एक संक्रमितको मृत्यु

भक्तपुर । हाेम आइसोलेसनमा बिसेका एक कोरोना संक्रमितको मृत्यु भएको छ । कोरोना संक्रमण भएर पनि घरमै बसिरहेका भक्तपुर नगरपालिका–१ दूधपाटीका ६५ वर्षीय पुरुषको शनिबार राति मृत्यु भएको हाे ।

भदौ ११ गते पीसीआर रिपोर्टमा कोरोना संक्रमण पुष्टि भएको उनकाे मृत्यु भएकाे वडा नं. १ का वडाध्यक्ष श्यामकृष्ण खत्रीले जानकारी दिए । मृतकको शव व्यवस्थापनको तयारी भइरहेको छ ।

भक्तपुरमा याे पहिलो पटक होम आइसोलेसनमा बसेका संक्रमितको मृत्यु भएको हो । भक्तपुरमा अहिले सम्म कोरोनाबाट ७ जनाको मृत्यु भएकाे तथ्याङ्क छ ।