- १८ असार २०८३, बिहीबार / Jul 2, 2026
धादिङ । भलिबल क्याप्टेन मनोज कुमार श्रेष्ठ मृत फेला परेका छन् । गयराती सलाङमा आफु बास बसेकै घर नजिकै झुण्डिएको अवस्थामा भेटिएका हुन् । नलाङ खिर्रेमा जारी तमु युवा समाज खुल्ला पुरूष भलिबल खेलेर आफ्नो टिम सहित सलाङ बस्न गएका थिए ।
उनको टिमले बुधबार भएको खेल जितेको छ । स्रोतका अनुसार उनी दिनभर खेल खेलर साथीसँग बास बस्न रुम पुगेपछि श्रीमतीसँग फोनमा कुरा गरेका थिए । फोनमा केहि भनाभन जस्तो सुनिएको र बिहान उठ्दा उनी झुण्डिएको अवस्थामा भेटिएका थिए ।
उनको श्रीमती विदेशमा छन् । मनोजले केहि बर्ष यता धादिङमा भएको साना तथा ठुला १०० भन्दा बढी भलिबल खेलहरु खेलि सकेका थिए भने विगत २ वर्ष यता जिल्ला बाहिर भएको दर्जनौं प्रतियोगिताहरुमा समेत भाग लिई मेडल प्राप्त गरेको जिल्ला भलिबल संघ धादिङका अध्यक्ष तिलक गुरुङले बताए ।
