नेपाल भाषा साहित्य सम्मेलन भक्तपुरमा सुरु, भाषामाथिको प्रहारदेखि सजग रहन सूझाव

भक्तपुर । हरेक वर्ष दशैंको अवसरमा हुने नेपाल भाषा साहित्य सम्मेलन भक्तपुरमा सुरु भएको छ । जनता म्वासा भाषा म्वाई अर्थात जनता रहे भाषा रहन्छ भन्ने नाराका साथ सम्मेलन आयोजना गरिएको आयोजकले बताएको छ ।

ल्लसिंख्यः त्वालयमा संचालन भएको ४३ औं नेपाल भाषा साहित्य तःमुंज्या व साँंस्कृतिक ब्वज्या सम्मेलनमा राजनितिज्ञ, साहित्यकार, पत्रकार, वकिल, जलश्रोतविज्ञ, कानुनविद्हरुको उल्लेख्य सहभागिता रहेको छ ।

आज जेष्ठ नागरिक एवं साँस्कृतिक गुरु राम घेमसुले सम्मेलनको उद्घाटन गरे । यसैबीच ६२ औ विराट नेपालभाषा साहित्य सम्मेलन विकुमःछें मा सुरु भएको छ । विराट नेपालभाषा साहित्य सम्मेलन गुथिको आयोजनामा आफनै नवनिर्मित भबनमा सम्मेलन सुरु गरिएको हो ।

सम्मेलनको नेपाल मजदुर किसान पार्टीका अध्यक्ष नारायणमान बिजुक्छें रोहित प्रमुख अतिथि रहेका छन् । कार्यक्रममा नयाँ पुराना साहित्यकारले विभिन्न भाषामा आफ्ना रचना वाचन गरेका छन् । सम्मेलनमा नाटक, विभिन्न साँस्कृतिक प्रस्तुतीहरु रहने आयोजकले जनाएको छ ।

सम्मेलनमा प्रतियोगिताको रुपमा विभिन्न साँस्कृतिक प्रस्तुती रहने छन् । उत्कृष्ट साहित्यकार, कलाकार तथा लेखकलाई पुरस्कार एवं प्रमाणपत्र प्रदान गरिने आयोजकले जनाएको छ ।