- १० कार्तिक २०८३, मंगलवार / Oct 27, 2026
काठमाडौं । डा. भीम रावलको पीएचडी नक्कली हो कि भन्ने पूर्वप्रधानमन्त्री डा. बाबुराम भट्टराईले आशंका गरेका छन्। गएराति सामाजिक सञ्जालमा लेख्दै उनले यस्तो आशंका व्यक्त गरेका हुन्।
भट्टरईले आफू प्रधानमन्त्री भएका बेला एमसीसी सम्झौता भएको भनेर रावलले गरेको दाबीप्रति आपत्ति जनाउँदै आशंका गरेका हुन्।
डा भट्टराईले लेखे, ‘यी कण भीम रावलले पीएचडी गरेको गरेको भनेर नाउँको अगाडि डा. पनि झुन्ड्याउँछन्, विद्यावारिधि गर्दा कसैबारे कुनै दाबी गरियो भने त्यसको स्रोत, मिति र स्थान खुलाउनुपर्छ । गोप्य रूपमा एमसीसी सम्झौता गरेको’ हो भने कहिले, कहाँ, कसरी खुलाउनु पर्दैन ? कि यी नक्कली पीएचडी हुन् ?’
रावलले एमसीसीको विषयमा लेखेको पत्रमा बाबुरामले गोप्य सम्झौता गरेको आरोप लगाएका थिए। आफूमाथि यस्तो आरोप लागेपछि भट्टराईले यस्तो आशंका व्यक्त गरेका हुन्।
