- १ कार्तिक २०८३, आईतवार / Oct 18, 2026
मकवानपुर । पुर्व–पश्चिम राजमार्ग अन्तर्गत मकवानपुर हेटौंडा–१५ चुरिमाई मन्दिर नजिक सवारी दुर्घटना हुँदा नौ जना यात्रु घाइते भएका छन् ।
विरगंजबाट काठमाण्डौतर्फ आउँदै गरेको प्रदेश २–०३–००१ ज २११ नम्बरको विङ्गर र नेपालगंजबाट सिन्धुलीतर्फ जाँदै गरेको ना ७ ख १६४३ नम्बरको बस आज बिहान एक–आपसमा ठक्कर खाई दुर्घटना हुँदा दुवै सवारीका नौ यात्रु घाइते भएको मकवानपुर प्रहरीले जनाएको छ ।
घाइतेहरुलाई प्रहरीले उद्दार गरेर उपचारको लागि हेटौंडा अस्पताल पठाएको छ । घाइतेको नाम खुल्न बाँकि रहेको छ भने दुवै सावारी र चालक प्रहरी नियन्त्रणमा लिएको छ ।
