- ३१ जेष्ठ २०८३, आईतवार / Jun 14, 2026
भक्तपुर । नगरकोटमा थि स्टार ह्याण्डीक्राफ्ट र मन्डनदेउपुर नगरपालिकाको संयुक्त आयोजनामा महिलाहरुका लागि उद्ममशिलता तथा हस्तकला सम्बन्धी आधारभुत तालिम सञ्चालन भएको छ ।
तालिमको उद्घाटन मन्डनदेउपुर नगर प्रमुख टोक बहादुर वाईबाले गरेको अध्यक्ष राममाया तामाङले बताइन् । बेरोजगार महिलालाई स्वरोजगार बनाउँन यस्तो तालिम सञ्चालन गरिएको मन्डनदेउपुर नगर उप–प्रमुख विष्णुमणी नेपालको भनाइ छ ।
तालिममा घरेलु तथा साना उद्योग कार्यालय काभ्रेका प्रमुख यादव नाथ आचार्य, वडा अध्यक्षहरु, नगरकोट नाल्दुम पर्यटन विकास समिति, प्रहरी प्रशासन, श्यानफन छोर्खोलिङ्ग गुम्बा अध्यक्ष लगायत महिलाहरुको सक्रिय सहभागिता रहेको थियो ।
मन्डनदेउपुर नगरपालिका र थ्रि स्टार ह्याण्डीक्राफट साझेदारी फर्मको सहकार्यमा सञ्चालित तालिममा मन्डनदेउपुर नगरपालिका वडा नं १ देखि ६ वडासम्मका जनजाती, दलित, पिछडा वर्ग तथा आर्थिक रूपमा विपन्न ६० जना महिलाहरु सहभागि छन् ।
उनीहरुलाई १५ दिने हस्तकला सम्बन्धी आधारभुत सिपमुलक तालिम एवं प्रशिक्षण दिन लागिएको हो । सम्बन्धीत वडा कार्यालयको सिफारिसमा उनीहरु सहभागि भएका छन् ।।
