महोत्तरीमा मृत अवस्थामा महिलाको शव फेला

महोत्तरी । मटिहानी नगरपालिका १ स्थित बाँसघारीमा एक महिलाको शव फेला परेको छ ।

बीभत्स अवस्थामा शव फेला परेको हो । खेत गएकी ४० वर्षीया अमाना खातुनको हत्या गरिएको अवस्थामा राति शव फेला परेको प्रहरीले जनाएको छ ।

मधेस प्रदेश प्रहरी कार्यालय जनकपुरबाट इन्स्पेक्टर उमाशंकर साहको टोली घटनास्थल पुगेर अनुसन्धान सुरु गरिरहेको छ ।

बलात्कारको प्रयास भएको र प्रतिकार गर्दा उनको हत्या गरिएको प्रहरीको अनुमान छ ।

घटनास्थलमा कानुनी प्रक्रिया पुरा गरी शव पोस्टमार्टमका लागि जलेश्वर अस्पताल लगिएको छ ।