- २७ असार २०८३, शनिबार / Jul 11, 2026
काठमाडौंमा हुने ‘आप्रवासी कामदारहरुको मानवअधिकार संरक्षण’ विषयक अन्तराष्ट्रिय सम्मेलनको सबै तयारी पूरा भएको छ । राष्ट्रिय मानवअधिकार आयोगले बिहीबार ललितपुरमा पत्रकार सम्मेलन गरी तयारी पुरा भएकाे जनाएकाे हाे । सम्मेलनमा मानवअधिकारका लागि विश्वव्यापी सञ्जालका प्रमुख, केन्या, मलेसिया, माल्दिभ्स, मंगोलिया, दक्षिण अफ्रिकाका मानवअधिकार आयोगका प्रमुखहरु उपस्थित हुने जनाएको छ ।
सम्मेलनमा कतारका मानवअधिकार आयोगका उपाध्यक्ष, बंगलादेश, भारत, थाइल्यान्डलगायतका देशका मानवअधिकार संस्थाका आयुक्तहरु, सरकारी, गैरसरकारी निकाय, नागरिक समाजलगायतका ६२ जना अन्तराष्ट्रिय प्रतिनिधिहरु सहभागी हुने आयोगका सदस्य सुदीप पाठकले जानकारी दिए ।
श्रम, रोजगार तथा सामाजिक सुरक्षा मन्त्रालय, परराष्ट्र मन्त्रालयलगायत विभिन्न सरकारी निकाय, वैदेशिक रोजगार व्यवसायी संघ तथा विज्ञहरुसहित ४५ जना राष्ट्रिय प्रतिनिधिहरु सम्मेलनमा सहभागी हुने पाठकले बताए ।
