मेस्सीलाई कोरोना संक्रमण पुष्टि

काठमाडौं । फुटबल स्टार लियोनेल मेस्सीलाई कोभिड–१९ संक्रमण पुष्टि भएको छ । फ्रेन्च क्लब पेरिस सेन्ट–जर्मेन (पीएसजी) का खेलाडी मेस्सीलाई कोभिड संक्रमण भएपछी होम आइ्सोलेसनमा बसेको जनाइएको छ ।

पीएसजीका म्यानेजर माउरिसियो पोचेटिनोल एक पत्रकार सम्मेलनमा मेस्सी अझै अर्जेन्टिनामा रहेको र उनले कोभिड नेगेटिभ नआएसम्म यात्रा नगर्ने जनाएका छन् । पीएसजीका अन्य तीन खेलाडीलाई पनि कोभिड संक्रमण पुष्टि भएको थियो । विन्टर ब्रेकमा मेस्सी स्वदेश अर्जेन्टिना फर्किएपछी उनलाई कोरोना संक्रमण भएको बुझिएको छ ।