- २७ भाद्र २०८३, शनिबार / Sep 12, 2026
काठमाडौं । तपाईं कपाल वर्षभरिमा कतिपटक काटनु हुन्छ ? युवाहरुमा चाहिँ कपाल अति चाडो बढ्छ । यो स्वभाविक प्रक्रिया हो । आज भोलि निषेधाज्ञा छ । तर एकै दिनमा कपाल बढेर धेरैले हैरानी खेपिरहेको तथ्य बाहिर आईरहेको छ ।
मान्छेको कपाल बढ्ने सही दर के हो भन्ने कुरा पत्ता लागिसकेको छ । यसअनुसार, के फेला परेको छ भने, एक महिनामा मान्छेको कपाल १२ मिलिमिटरको दरले बढ्छ । र, यो कपाल बढ्ने काम दिनहुँ भइरहेको हुन्छ । यसरी कपाल दिनहुँ बढे तापनि दिनको फरक समय कपाल बढ्ने दर पनि फरक फरक हुन्छ ।
अर्थात यो एकै मात्रामा बढ्दैन । यो क्रिया एक किसिमको लयात्मक तरिकामा सम्पन्न भइरहेको हुन्छ । रातको समयमा कपाल विस्तारै बढ्छ । र, दिन शुरु भएपछि कपाल बढ्ने प्रक्रियामा गति आउछ । बिहान १०–११ बजे यो दर सबै भन्दा बेसी रहन्छ । अर्थात दिन, रातबीचको त्यो समयमा चाहिँ हाम्रो कपाल सबैभन्दा बेसी बढ्छ । त्यस पछि कपाल बढ्ने गतिमा कमी आउछ । फेरि बेलुकी ४ देखि ६ बजेसम्ममा त्यो क्रियामा गति आउँछ ।
त्यस पछि फिर कपाल विस्तारै बढ्छ । यसरी एकैदिनमा कपाल बढ्ने गति पनि फरक–फरक हुन्छ । तर यो समय प्रतिकुल अथवा हाम्रो अनुकुलमा कपालकाट्ने समय छैन । कोरोना कहरमा सबैभन्दा बढी कपालकाट्ने ठाउँबाटै संक्रमण बढिरहेको छ । त्यसैले एकदमै विचार गरेर कपाल काट्न विज्ञको सुझाव छ ।
