नेकपाको अनौंठो चाल, फेरी सार्यो बैठक

काठमाण्डौ । झण्डै डेढ महिनादेखि स्थगित नेपाल कम्युनिष्ट पार्टीको स्थायी कमिटी बैठक सरेको छ । आउँदो शुक्रबार बस्ने भनेर तय गर्दै बैठक सारेको हो ।

आज बिहान प्रधानमन्त्री निवास बालुवाटारमा अध्यक्षद्धय केपी शर्मा ओली, पुष्पकमल दाहाल प्रचण्ड र महासचिव विष्णु पौडेलको बैठकले २६ गते शुक्रबार स्थायी कमिटी बैठक बोलाउने निर्णय गरेको सचिवालयले बताएको छ ।

प्रधानमन्त्रीले विधि र पद्धति मिचेर सरकार चलाएको, पार्टीका निर्णय नमानेको, सरकारको बदनाम हुनेगरी नियुक्ति र निर्णय गरेकोलगायतका आरोप लागेपछि गएको साउन १३ गतेयता बैठक बस्न सकेको थिएन । फेरी शंकासपद नियुक्तिका लागि रणनीति तय गर्ने चाल हुन सक्ने एक नेकपा नेताले बताए ।