- १८ भाद्र २०८३, बिहीबार / Sep 3, 2026
काठमाडौं । प्रतिस्थापन विधेयक नआउँदा छ अध्यादेश पुनः निष्क्रिय हुने अवस्थामा पुगेका छन् । तेस्रो पटक निष्क्रिय हुन लागेका यी अध्यादेश मङ्सिर १५ गते जारी भएका थिए ।
यौन हिंसाविरुद्धका केही ऐनलाई संशोधन गर्ने अध्यादेश, फौजदारी कसुर तथा फौजदारी कार्यविधिसम्बन्धी केही ऐनलाई संशोधन गर्ने अध्यादेश, नेपाल प्रहरी र प्रदेश प्रहरीसम्बन्धी अध्यादेश, तेजाब तथा अन्य घातक रासायनिक पदार्थ (नियमन) अध्यादेश, सामाजिक सुरक्षा अध्यादेश र रेल्वे अध्यादेश निष्क्रिय हुने अवस्थामा पुगेका हुन् ।
प्रतिनिधि सभाबाट स्वीकृत भएका यी अध्यादेश राष्ट्रिय सभामा प्रक्रिया रहेका छन् । मङ्सिर २८ गते सुरु भएको बैठकमा अध्यादेश पेस भएका थिए ।
संविधानको धारा ११४ को व्यवस्थाअनुसार अधिवेशन प्रारम्भ भएको ६० दिनभित्र प्रतिस्थापनको प्रक्रिया पूरा नभए अध्यादेश स्वतः निष्क्रिय हुने व्यवस्था छ । प्रतिनिधि सभा बैठक माघ २६ गतेका लागि बोलाइएको छ ।
सो अवधिमा विधेयक दर्ता भएर दुवै सदनबाट प्रतिस्थापन प्रक्रिया पूरा हुने सम्भवना भने न्यून रहेको सरोकारवाला बताउँ छन् ।
