किसानलाई जहिले चिन्ता

काठमाण्डौ । यस वर्ष पनि किसानले मलको अभाव झेल्नु परेको छ । यस वर्ष गहुँ पसाउने बेला किसानले मलको अभाव झैल्नुपरेको हो । एक लाख ३० हजार टन रासायनिक मलको माग रहेको छ । गहुँको मुख्य सिजनमा रासायनिक मलको अभाव भएपछि किसान मर्कामा परेका हुँन । यता सरकारी गोदामहरु रित्तै भएका छन् । गहुँ छर्ने बेलामा समेत मल नभएपछि किसानले त्यत्तिकै गहुँ छरेका थिए ।

तर अहिले बाला पसाउने बेला पनि मलको अभाव कायमै रहेको किसानको गुनासो रहेको छ । चालु आर्थिक वर्षका लागि तीन लाख ९ हजार टन मल खरिदको स्वीकृति भए पनि मल आउने टुङ्गो अझै लागिसकेको छैन । गहुँमा आवश्यक मात्रामा मल नभए पनि उत्पादन घट्ने किसानको चिन्ता छ । मल आपूर्तिमा समस्या भएपछि चैते धानमा समेत रासायनिक मल अभाव हुने निश्चित छ । अन्तर्राष्ट्रिय बजारमै मलको मूल्य उच्च भएको र अभाव समेत रहेकाले आपूर्ति हुन नसकेको जनाइएको छ ।