- २२ भाद्र २०८३, सोमबार / Sep 7, 2026
काठमाडौं । बाढी, पहिरो र कोरोना प्रभावित रामेछाप लिखु तामाकोशी गाँउपालिकाका ४ हजार दुई सय घर परिवारलाई राहतस्वरुप खद्यान्न सामाग्री वितरण गरिएको छ ।
आर्थिक रुपले विपन्न परिवारलाई ताइवानस्थीत चूजि फाउण्डेशनको सहयोगमा राहत सामग्री वितरण गरिएको हो । स्वयंसेवक परिचालन गरेर पीडित परिवारलाई राहत बितरण गरिएको कांग्रेस रामेछाप जिल्ला कार्यसमिति सदस्य सुन्दर खड्काले बताए ।
प्रतिपरिवार २५ केजी चामल, १० केजी पिठो, नुन, तेल दाललगाएतका खाधान्न सामाग्री वितरण गरिएको प्रदेश कमिटी सचिव निरोज खड्काले बताए । यसअघि पनि फाउण्डेशनले सामाजिक कार्यमा सहयोग गर्दै आएको खड्का बताए ।
सन १९६६ मा स्थापना भएको फाउण्डेशनले सामाजिक, शैक्षिक, स्वास्थ्य लगायतका विभिन्न क्षेत्रमा काम गर्दै आएको छ भने हाल सम्म विश्वभर ५०२ वटा शाखा कार्यालय समेत संचालनमा ल्याएको छ ।
