राष्ट्रहित भन्दा ठूलो एमसीसी होइनः माधव नेपाल

काठमाडौं । नेकपा (एकीकृत समाजवादी)का अध्यक्ष माधवकुमार नेपाल र एमसीसीका उपाध्यक्ष फातिमा सुमारबीच भेटवार्ता भएको छ। भेटमा नेता नेपालले राष्ट्रहितभन्दा ठूलो एमसीसी नभएकाले पास गर्ने तर्फ जान नसकिने बताएका छन्।

गठबन्धन सरकारमा सहभागी पाँच दलबीच छलफल गरेर एमसीसी लागू गर्ने वा नगर्ने भन्नेमा निष्कर्षमा पुग्ने सुमारलाई बताए । पास गर्ने भन्दा पनि जनताको अभिमत लिनेतर्फ जानु पर्ने धारणा राखेको भेटवार्तामा सहभागी एकीकृत समाजवादीका नेता गंगालाल तुलाधारले बताए।

उपाध्यक्ष सुमारले एमसीसी नेपाली जनताको हितमा रहेको र कुनै अर्को स्वार्थका लागि नभएको दाबी गरेकी छन् ।