- ७ आश्विन २०८३, बुधबार / Sep 23, 2026
काठमाण्डौ । पीसीआर परीक्षण शुल्क घटाउने तयारी सरकारले गरेको छ । परीक्षण निःशुल्क गर्न आवाज उठिरहेकाले सरकारले शुल्क घटाउने तयारी गरेको जनाइएकोछ । पीसीआर परीक्षणको सुविधा भएका अस्पतालमा ओपीडीको टिकट काटेर निःशुल्क परीक्षणको सेवा लिन सकिने, विदेश जाने या अरु कामले परीक्षण गराउनेहरुलाई मात्र सरकारी अस्पतालमा एक हजार शुल्क लाग्ने, मन्त्रालयले जनाएको छ ।
सरकारी अस्पतालमा एक हजार र निजीमा दुई हजार रुपैयाँमा पीसीआर परीक्षण हुँदै आएको छ । शुल्क महँगो भएकै कारण धेरैले लक्षण देखिए पनि परीक्षण गर्ने गरेका छैनन् । तर सरकारी अस्पतालमा पीसीआर परीक्षण निःशुल्क हुने भएकाले लक्षण देखिनेबित्तिकै नजिकको सरकारी अस्पताल जान स्वास्थ्य मन्त्रालयले सुझव दिएको छ ।
