- ७ आश्विन २०८३, बुधबार / Sep 23, 2026
काठमाडौं । जिल्ला प्रशासन कार्यालय काठमाडौंका कर्मचारीमा संक्रमण बढेपछि नागरिकता वितरणलगायतका काम स्थगित भएको हो । जस अनुसार अब नागरिकता प्रदान, नागरिकताको प्रतिलिपि, नाबालक परिचयपत्र, राष्ट्रिय परिचयपत्र र राहदानी वितरणका काम स्थगित गरिएका छन् ।
प्रमुख जिल्ला अधिकारी गोविन्द रिजालसहित १८ कर्मचारीलाई कोभिड संक्रमण भएपछि जिल्ला प्रशासन कार्यालय काठमाडौंले बुधबारदेखि लागू हुनेगरी सेवा कटौती गरेको जनाएको छ । विदेशमा उपचार गर्न जाने जस्ता गम्भीर प्रकृतिका बाहेक अन्य सेवा हाललाई स्थगित गरिएको विभागले जनाएको छ ।राहदानी विभागले पनि अत्यावश्यक बाहेकका सेवा स्थगित गरेको छ । यसअघि टोकन लिएका तथा बुकिङ भएका बाहेक नयाँ राहदानी जारी गर्न बन्द गरिएको छ ।
