वागमती प्रदेशमा कामदार वर्गका एक्ला उम्मेववार कृष्णबहादुर तामाङ

हेटौंडा । नेपाल मजदुर किसान पार्टीले वाग्मती प्रदेशको राष्ट्रियसभा सदस्यका लागि उम्मेदवारी दर्ता गराएको छ । नेमकिपाका केन्द्रीय सदस्य कृष्णबहादुर तामाङले हेटौंडा –५ मा रहेको वाग्मती प्रदेश निर्वाचन आयोगको कार्यालय पुगेर राष्ट्रियसभा सदस्यको उम्मेदवारी दर्ता गराउनुभएको हो ।

तामाङको प्रस्तावकमा नेमकिपाका प्रदेश सांसद सुरेन्द्रराज गोसाईँ र समर्थकमा प्रदेश सांसद सिर्जना सैंजु रहेको जनाइएको छ ।
बाग्मती प्रदेश अन्य समूहतर्फ रिक्त भएको एक सिटका लागि जेठ ६ गते उपचुनाव हुँदैछ । माओवादी केन्द्रबाट निर्वाचित रामबहादुर थापा बादलले दल त्याग गरेपछि रिक्त भएको राष्ट्रियसभा सदस्य पदमा उपचुनाव हुन लागेको हो ।