- ५ आश्विन २०८३, सोमबार / Sep 21, 2026
एजेन्सी । अमेरिकाले रुस विरुद्धको लडाइमा युक्रेनले ‘क्लष्टर बम’हरुको प्रयोग गरिरहेको दाबी गरेको छ । अमेरिकी राष्ट्रिय सुरक्षा प्रवक्ता जोन किर्बीले ‘क्लष्टर बम’ प्रयोगको प्रारम्भिक परिणामहरुले युक्रेनलाई निकै आशावादी बनाएको बताएका हुन ।
आफ्नो देशले सहायता स्वरुप दिएको क्लष्टर बमहरुको युक्रेनले सही तरिकाले सफलतापूर्वक प्रयोग गरिरहहेको ह्वाइट हाउसले पुष्टि गरेको छ । रुस विरुद्धको लडाइमा युक्रेनी सेनाको क्षमता बढाउन क्लष्टर बम दिएको प्रतिक्रिया अमेरिकाले दिइरहेको छ । अमेरिकी राष्ट्रपति जो बाइडेनले यो निर्णय आफ्नालागि निकै कठिन तथा अत्यावश्यक भएको बताएका थिए ।
अमेरिकाका सहयोगी देशहरु बेलायत, क्यानडा, न्यूजील्याण्ड र स्पेनले यसको प्रयोगलाई लिएर विरोध गरिरहेका छन् । क्लस्टर बमले एकै पटक धेरै बमहरू छर्ने गर्दछ ।
युद्धमा सामेल नभएका गैरसैनिक नागरिकलाई समेत निशाना बनाउने यस्तो बमको प्रयोगमाथि विश्वका सयभन्दा बढी देशहरुले प्रतिबन्ध लगाएका छन् ।
