- २३ बैशाख २०८३, बुधबार / May 6, 2026
अर्घाखाँची । शव गाडेको करीव ५ महिनापछि उत्खनन गरेर हिन्दु परम्परा अनुसार एक पुरुषको दाहसंस्कार गरिएको छ । कोरोनाका कारण ज्यान गुमाएका एक पुरुषको शवलाई करीव ५ महिनामा दाहसंस्कार गरिएको हो ।
मालारानी गाउँपालिका वडा नं. ४ खनका ५७ वर्षीय यमप्रसाद खनालको गत जेठ २८ गते बुटवलमा उपचार गरेर फर्कने क्रममा बाटो मै मृत्यु भएको थियो । स्वाव परिक्षण गर्दा उनमा कोरोना पोजेटिभ देखिएको थियो ।
कोरोना पोजेटिभ देखिएपछि शव कसरी व्यवस्थापन गर्ने विषयमा विवाद हुदा शवलाई २ दिनसम्म खुल्ला चौरमा राख्न परिवारका सदस्य बाध्य भएका थिए । परिवारले चाहेको ठाउँमा शव व्यवस्थापन र परम्परा अनुसार काजकिरिया गर्न पाएका थिएनन् । अहिले ५ महिनामा शवलाई उत्खनन गरेर परम्पराअनुसार शवको अन्त्यष्टि गरिएको हो ।
