संघीय संसद्को अधिवेशन अन्त्य

काठमाडौं । संघीय संसदको चालु अधिवेशन राष्ट्रपति विद्यादेवी भण्डारीले अन्त्य गरेकी छन् । संसद् सचिवालयले सूचना टाँस गरी राष्ट्रपतिको कार्यालयबाट चालु अधिवेशन अन्त्य भएको सूचना प्राप्त भएको जनाएको हो ।

मंगलबार राति १२ बजेदेखि अधिवेशन अन्त्य गर्न राष्ट्रपति विद्यादेवी भण्डारीसमक्ष सिफारिस गरिएको थियो । संसद अधिवेशनको अन्त्य र सुरुवात सरकारको सिफारिसमा राष्ट्रपतिले गर्ने व्यवस्था रहेको छ ।

संसदको यो अधिवेशनमा प्रतिनिधिसभाले अमेरिकी सहयोग परियोजना एमसीसी पारित गरेको थियो ।अधिवेशनमा प्रतिनिधिसभामा प्रधानन्यायाधीश चोलेन्द्रशमशेर जबराविरुद्धको महाअभियोग प्रस्ताव दर्ता भएको छ ।

तर छलफल नहुँदै अधिवेशन अन्त्य गर्न सिफारिस गरिएको हो ।