- १३ जेष्ठ २०८३, बुधबार / May 27, 2026
खोटाङ । खानीडाँडा–आहाले सडक कालोपत्रको काममा ढिलाइ हुँदा आवजजावतमा कठिनाइ भएको छ । ठेकेदारको लापरबाहीका कारण सडक कालोपत्र गर्न ढिलाइ हुदा आवतजावतमा कठिनाई भएको हो । दिक्तेल बजारदेखि मनमायाँ राई खानीडाँडा विमानस्थलसम्म जाने सडक अहिले हिलाम्मे हुँदा सामान्य वर्षा हुँदास समेत हिँडडुल गर्न कठिनाइ हुने गरेको स्थानीयवासी दुखेशो रहेको छ ।
राष्ट्रिय पुनर्निर्माण प्राधिकरण र स्थानीय जनप्रतिनिधिले महत्वका साथ अनुगमन नगर्दा योसडक खण्ड जीर्ण बनेको स्थानीयको भनाई छ ।जिल्लाको प्रमुख व्यापारिक केन्द्र समेत रहेको दिक्तेल बजारबाट खानीडाँडा–रेग्मीटार हुँदै सगरमाथा राजमार्ग जोड्ने सो सडकलाई महत्वका साथ नहेरिएको स्थानीयको गुनासो रहेको छ । सडक हिलाम्मे तथा जीर्ण हुँदा ठेकेदार कम्पनीले समयमै काम गर्ने चासो नदेखाएको सथानीयबासीन्दाले बताए ।
सडक निर्माणमा ढिलाइ हुँदा राष्ट्रिय पुनर्निर्माण प्राधिकरण कार्यालयले समेत कुनै चासो नदिएको स्थानीयबासीन्दाको गुनासो रहेको छ ।प्राधिकरणको रू. २१ करोड १ लाख ८८ हजारको लागतमा काम सक्ने गरी याकथुहाङ–साप–सिरुवा जेभीले २०७५ असोज १ गते ठेक्का लिएको थियो । सडक शिलान्यास कार्यक्रममा ठेकेदार कम्पनीका प्रबन्ध निर्देशक कल्याण खत्रीले तोकिएकै मितिमा काम सम्पन्न गरेर हस्तान्तरण गर्ने प्रतिबद्धता व्यक्त गरेपनि हालसम्म सडकको काम हुन सकेको छैन ।
