- १२ बैशाख २०८३, शनिबार / Apr 25, 2026
काठमाडौं । मन्त्रिपरिषद विस्तार गर्न सत्तारुढ गठबन्धनका नेताहरु सहमत भएका छन् । प्रधानमन्त्री निवास बालुवाटारमा बसेको बैठकले मन्त्रिपरिषद विस्तार र राजनीतिक दल सम्बन्धी अध्यादेश प्रतिस्थापनका सम्बन्धमा छलफल गरेका छन् ।
बुधबार साँझ बसेको बैठकले यो हप्ताभित्र सरकारलाई पूर्णता दिने सहमति गरेपनि कुरा मिल्न नसकेको छलफलमा सहभागी काँग्रेस महामन्त्री पूर्णबहादुर खड्काले बताए । आज विहीबार भोलि शुक्रबार सम्ममा काँगे्रस र नेकपा माओवादी केन्द्रबाट थप मन्त्रीको नाम सिफारिस भएपछि र अन्य पार्टीले पनि नाम पठाएपछि विस्तार हुने छ ।
देउवाले संयुक्त सरकार गठबन्धनमा सहभागी पार्टीलाई मन्त्रीका लागि नाम माग्नुभएको उनको भनाइ छ । बैठक काँग्रेस संसदीय दलको कार्यालयमा बसेको हो । नेकपा माओवादी केन्द्रले मन्त्रीको नाम सिफारिस गर्न प्रचण्डलाई जिम्मेवारी दिएको प्रवक्ता कृष्णबहादुर महराले बताए ।
माओवादी केन्द्रको भागमा ६ मन्त्रालय परेको छ । राजनीतिक दलसम्वन्धी अध्यादेश प्रतिस्थापन विधेयक आएपछिमात्र सरकारमा सहभागी हुने जनता समाजवादी पार्टी र नेकपा (एकीकृत समाजवादी) ले बताउदै आएका छन् । उनीहरुको भागमा ६–६ वटा मन्त्रालय छुट्याइको छ ।
