- २७ भाद्र २०८३, शनिबार / Sep 12, 2026
बुटवल । प्रदेश सरकारको सामाजिक विकास मन्त्रालयले निर्देशन नमानेर जनस्वास्थ्यमाथि खेलवाड गरेको आरोप लागेको छ । प्रदेशसभाको सामाजिक समितिले वैशाखमा नै कोरोना संक्रमितको उपचार गर्न आइसोलेसन सेन्टर र प्रयोगशाला थप गर्न निर्देशन दिए पनि अहिलेसम्म पालना नगरेको भन्दै यस्तो आरोप लागेको हो ।
कोरोना संक्रमितलाई बोक्ने एम्वुलेन्स र शवबाहनको ब्यवस्था मिलाउन र कोरोनाको नाममा भएको खर्च विवरण सार्वजनिक गर्न निर्देशन दिएकामा पालना नभएको समिति सभापति दृगनारायण पाण्डेले बताए । मन्त्रालयले चरम लापरवाही र जनताको स्वास्थ्यमाथि खेलवाड गरेको साँसदले आरोप लगाएका छन् ।
कोरोनाका नाममा भएको खर्च विवरण र अन्य निर्देशनको लिखित जवाफ दिन निर्देशन दिइएको समितिका सदस्य अष्टभुजा पाठकले बताए ।वैठकमा मन्त्रालयका सचिव र उच्च अधिकारीहरुले गल्ती स्वीकार गर्दै एक हप्ताभित्र लिखित जवाफ दिने प्रतिवद्धता जनाएका छन् ।
