सालनालसहित झाडीमा बच्चा भेटियो

हेटौँडा । हुप्राचौरको एक झाडीमा सालनालसहित नवजात शिशु फेला परेको छ । रोइरहेको आवाज सुनेपछि स्थानीयले प्रहरीलाई खबर गरेका थिए । सालनाल सहितको बच्चा झाडीमा फालिदिँदा शिशुको खुट्टा र हातमा सामान्य घाउ लागेको छ ।

प्रहरीले उद्धार गरी अस्पताल पु¥याएको नवजात शिशुलाई मानवसेवा आश्रमले संरक्षणमा लिएर उपचार गरिरहेको छ । हेटौँडा अस्पतालमा उपचाररत शिशुको अवस्था भने सामान्य रहेको मानवसेवा आश्रम मकवानपुरकी संयोजक ईशा थापाले बताइन् ।

बच्चा कसले सडकमा ल्याएर फालेको हो भन्ने कुरा खुल्न सकेको छैन । यस सम्बन्धमा अनुसन्धमान चलिरहेको जिल्ला प्रहरी कार्यालय मकवानपुरका प्रहरी उपरीक्षक रुद्र पराजुलीले बताए ।

मानव सेवा आश्रम केन्द्रीय अध्यक्ष रामजी अधिकारीका अनुसार हालसम्म विभिन्न उमेर समूहका २ सय ९२ जनाको उद्धार गरिएको छ ।