टिकटक बन्द गर्ने सरकारको निर्णयविरुद्ध सर्वोच्च अदालतमा आधा दर्जन बढी रिट निवेदन दायर

काठमाडौं । सर्वोच्च अदालतमा आधा दर्जन बढी रिट निवेदन दायर भएका छन् । टिकटक बन्द गर्ने सरकारको निर्णयविरुद्ध वरिष्ठ अधिवक्ता दिनेश त्रिपाठी लगायतका अधिवक्ताहरुले टिकटक बन्द गर्ने सरकारको निर्णय खारेज गर्न माग गर्दै सर्वोच्च अदालतमा रिट पेश गरेका हुन् ।

गत कात्तिक २७ गते बसेको मन्त्रिपरिषद्को बैठकबाट टिकटकमा प्रतिबन्ध लगाउने निर्णय भएपछि नेपालमा अधिकांश इन्टरनेट सेवा प्रदायकहरुले टिकटक बन्द गरेका छन् । सर्वोच्चमा पेश भएका ७ वटा रिट निवेदनहरु अध्ययनका क्रममा रहेको जनाइएको छ ।

ती रिट निवेदनहरु अध्ययन गरेपछि मात्रै दर्ता हुन्छ वा हुँदैन अथवा कुन कुन रिट दर्ता हुन्छ भन्ने विषयमा निर्णय हुने सर्वोच्च अदालतले जनाएको छ ।