सावधानी अपनाउन विज्ञको सुझाव, अझै केही दिन मौसम यस्तै रहने

काठमाण्डौ । गर्मी बढेकाले सावधानी अपनाउन विज्ञहरुले सुझाव दिएका छन् । पानी पर्ने सम्भावना नरहेकाले सावधानी अपनाउन विज्ञहरुले सुझाएका छन् । तराईका धेरैजसो क्षेत्रमा अधिकतम तापक्रम ४० डिग्री सेल्सियस पुगेको छ । सिमराको अधिकतम तापक्रम ४१ दशमलव २ डिग्री सेल्सियस र भैरहवाको ४० दशमलव ९ डिग्री सेल्सियस पुगेको छ ।

पछिल्लो दुई–तीन दिन यता काठमाण्डौसहित देशभरकै अधिकतम तापक्रम दुईदेखि तीन डिग्री सेल्सियसले बढेको छ । गएको सोमवार र मंगलवार काठमाण्डौको अधिकतम तापक्रम २९ दशमलव ८ डिग्री सेल्सियसको हाराहारीमा थियो ।

बुधबार ३२ दशमलव २ डिग्री सेल्सियसमा पुगेको थियो । अझै तीन दिन मौसम यस्तै रहने अनुमान गरिएको छ । नेपालगञ्ज, विराटनगर, धरान लगायत क्षेत्रको मौसम ४० डिग्री सेल्सियसको हाराहारीमा छ।