हिरासतमै थुनुवाको मृत्यु

विराटनगर । ज्यान मार्ने उद्योग अभियोगमा पक्राउ परेका भक्तबहादुर ठकुरीको प्रहरी हिरासतमा मृत्यु भएको छ । जेठ २५ गते घरबाटै पक्राउ परेका ठकुरीलाई अदालतमा उपस्थित गराउन बिहीबार सरकारी वकिल कार्यालय मोरङमा पेस गरेको थियो ।

मोरङ केराबारी गाउँपालिका–२ का ४८ वर्षीय भक्तबहादुर ठकुरी सरकारी वकिल कार्यालयमा बेहोस भएकाले उपचारका लागि कोसी अस्पताल पुर्याए लगत्तै मृत्यु भएको हो ।

ज्यान मार्ने उद्योग मुद्दामा प्रतिवादी बनाइएका ठकुरीको उपचारका क्रममा मृत्यु भएको मोरङ प्रहरी प्रवक्ता डिएसपी दीपक श्रेष्ठले बताए । आफ्नै पत्नी सकुन्तला ठकुरीलाई आक्रमण गरेर गम्भीर घाइते बनाएको अभियोगमा उनी पक्राउ परेका थिए ।

सकुन्तलामाथि २०७८ माघमा आक्रमण भएको थियो ।